गीत
गीत -1
एउटा गल्ति लुकाउन हजार गल्ति गरे
थाहाँ छैन जीउँदो छु या आफैभित्र मरे ।
बिधाताले लेख्यो की, मनको पागलपनले
जता जाउँ, जहाँ रहुँ पाइन सुख मनले
चढ्नु त शिखर थियो, म त फेदी झरे
थाहाँ छैन जीउँदो छु या आफैभित्र मरे ।
सपनाको गल्लीमा हजार फन्को मारे
आफ्नै मनमुटुबाट खै कता बस्ति सारे
छोडी हिँडे मन उतै तनले जङ्घार तरे
थाहाँ छैन जीउँदो छु या आफैभित्र मरे ।
गीत -2
ठेगाना बिर्सी हिँडेको ठेगानाबिहिन मान्छे
म मात्रै हो कि यहाँ
छन् दुई तीन मान्छे ।
समुन्द्र भेट्न हिडेको
पहाडी खोला जस्तो
मुस्कान टिप्न हिडेको
प्रदेशी झोला जस्तो
यहाँ साह्रै अशान्त छ
सपनामा लीन मान्छे
म मात्रै हो कि यहाँ
छन् दुई तीन मान्छे
आँखा बन्द गरे मात्र पुग्छु यादको बनसम्म
जति यात्रा हिँडे पनि पुगीन आफ्नै मनसम्म
बदलियो कि दुनिया यो, बदलियो एकैछिन मान्छे
म मात्रै हो कि यहाँ छन
दुई तीन मान्छे ।
Related Posts
Subscribe Our Newsletter
0 Comments to "गीत"
Post a Comment