कविता/राज एकान्त
Saturday, February 18, 2023
Add Comment
उपचार
मनमा चोट छन् अनेक
आऊ तिमीले उपचार गर ।
आऊ...
नजरको सियोले टाँका लगाऊ
मुस्कानको मलहम दल
अङ्गालोको पत्ती बाँध ।
अलिकति सहानुभूतिको अश्रुझोल
केही प्रेमील शब्दको क्याप्सुल
केही चुम्बनको सिरिन्ज
यस्तै यस्तै केही....
प्रेस्क्रप्सनको जरुरत छैन
लगाऊ उन्मादको -एनेस्थेसिया
बेहोस बनाउ मलाई
र खोज
कता खसे खुसीका झिलमिल ताराहरू ?
पत्ता लगाऊ
किन साँघुरो भयो मलाई - देश ?
किन साँघुरो भयो मलाई- आफू हिँड्ने बाटो ?
मनमा चोट छन् अनेक
आऊ तिमीले उपचार गर ।
****
अप्रिल १४, २०२३
बलम्बु, काठमाडौं ।
Related Posts
Subscribe Our Newsletter
0 Comments to "कविता/राज एकान्त"
Post a Comment