गाउँ (एक)
Friday, May 22, 2020
Add Comment
गाउँ (एक)
पहाडको हत्केलामा चम्किला मोती
मेरो गाउँको जम्मै सौन्दर्य
रातो फेटा बाँधेर
अनुहारमा कमेरो घसेकाका घरहरु
ढुंगाको चुच्चे टोपी लगाएर मुस्कुराएका घरहरु ।
नदी गाउँको भाग्य रेखा ।
भञ्ज्याङ्, बाटो र चौतारी कर्म रेखा गाउँको ।
बेशीमा खेतका गह्रा
झुलेका बालीनाली गाउँको ( जीवनरेखा ।
पलंङ डाडाँको सुर्य रेखामा
जब छर्छ घामले बीउँ
तब हातमा हसिया र नाम्लो बोकेर
गाउँको सिढीमा क्याटवाक गर्छन केही अप्सराहरु
घाम पोतेर अनुहारमा
लिएर बाहन हल गोरु
बेशीलाग्छन् केही देवताहरु
अहो स्वर्ग भन्नु त गाउँ पो रहेछ ।
*****
(कविता सङ्ग्रह कमरेड रोल्पाबाट )
Related Posts
Subscribe Our Newsletter
0 Comments to "गाउँ (एक)"
Post a Comment